منتدى لوسترة أهلاً وسهلاً بكم : كبرياء الجرح

ياغباء الصدق فيني يومي صدقت بوجودك

وياذكاء الهم يومه اسرف بطعـن الوريـد

كنت اخايل برق حبك لين فاجأني بـرودك

لعنبو جد المحـازن طبعهـا دايـم عنيـد

ترسم الفرحة حزينه لين تتعـدى حـدودك

زمجرة صوت المحاني تشتكي همي التليد

طعنتك في قلب حبي قطرة من مزن جودك

وصدتي لطعون غيرك ذي دلايل ماتحيـد

ان حبي لك بلائـي تستقـي منّـه ورودك

بينما حفنة ورودي تنتظر سيـل(ن) مديـد

لكن احذر يا حبيبي لاتطول في صـدودك

لان صدك لو يطول اتركك خلفـي شريـد

ايه أنا انثى ولكن مـا تخوفنـي رعـودك

والله انـه مايخوفنـي بهالدنـيـا شـديـد

دام ابويه شيخ قومه ماتروعنـي وفـودك

بنت عز(ن) والشموخ الحر لي طبعن فريد

قالها قبلي حكيم (ن) خوة الطيب تـزودك

واحذر الأنذال لنه عرفهم شـر ن مريـد

منتدى لوسترة أهلاً وسهلاً بكم